Белорусский четверг 9 февраля 2023 года

9 лютага вучні чацвёртых класаў прынялі ўдзел у вусным часопісе «Беларусам я завуся, родным краем ганаруся».
На першай старонцы часопіса «Ёсць такая зямля» вучні павінны былі ўставіць недастаючыя словы ў беларускіх вершах.
На другой старонцы «Славутасці зямлі роднай» хлопчыкі і дзяўчынкі называлі па апісанні славутых людзей: Ефрасінню Полацкую і Францыска Скарыну.
На старонцы «Мова беларуская мая» вучні з дапамогай настаўнікаў падбіралі да беларускіх адпаведныя рускія прыказкі.
На апашняй старонцы «Чым мы ганарымся?» удзельнікі мерапрыемства разгадвалі крыжаванку. Вучні паказалі добрыя веды беларускай мовы і гісторыі своёй краіны.

Белорусский четверг 2 февраля 2023

Юбілей кнігі

Кнізе Якуба Коласа “Новая зямля”, якая была выдадзена ў Мінску ў 1934 годзе, споўнілася 100 год.

Цэлае стагоддзе гэта ўнікальная ліра-эпічная паэма дае адказы на ўсе пытанні аб жыцці беларускага народа. У кожным радку пра нас – пра беларусаў! Як працуем, як святкуем, як адпачываем, як выхоўваем дзяцей, як шануем памяць продкаў… Бясконцы вір радасці і смутку, надзей і здзяйсненняў. І праз стагоддзе мы чуем гучны голас таленавітага песняра беларускага слова Якуба Коласа пра родны кут – мілую Бацькаўшчыну.

З гэтай нагоды вучні 8-х класаў зладзілі літаратурную гасцёўню “Мой родны кут”.

Падчас сустрэчы лілася мова Якуба Коласа, мяккая, напеўная, родная – свая. Рабяты дэкламавалі ўрыўкі з паэмы “Новая зямля”. Незабыўнае ўражанне пакінула жыццёвая праўда з раздзелаў “Леснікова пасада”, “Раніца ў нядзельку”, “Дзядзька-кухар”, “Дарэктар”, “Падгляд пчол”, “Вялікдзень”.

Таксама рабяты зрабілі віртуальнае падарожжа ў Дзяржаўны літаратурна-мемарыяльны музей Якуба Коласа. Цікава, што ў фондзе музея захоўваецца некалькі каштоўных кніг з інскрыптамі аўтара. Адна з іх – паэма “Новая зямля”.

Напрыканцы сустрэчы рабяты выказалі надзею і веру ў годны працяг жыцця кнігі “Новая зямля” Якуба Коласа – запавет вольнага жыцця і працы на роднай зямлі.

З юбілеем, вечная “Новая зямля” – наша былое, сучаснае і будучае!

Настаўніца беларускай мовы і літаратуры

Аллянкова Наталля Валер’еўна