Калі шануеш тую мову, якую продкі збераглі,

Скажы на ёй такія словы, каб у вяках яны жылі.

Ю.Свiрка                                                                          

Пад такім дэвізам у чарговы беларускамоўны чацвер (29 лютага) у вучняў 4-х класаў прайшло вуснае падарожжа “Мы беларусамі расцём”.

Наша мова – родная, ласкавая, магутная, бязмежная ў сваіх магчымасцях. Раскрыць прыгажосць беларускага слова, развіваць беларускае маўленне малодшых школьнікаў, выхоўваць жаданне вывучаць і карыстацца беларускай мовай – асноўныя мэты дадзенага мерапрыемства.

У час занятку вучні разважалі аб значэнні мовы для кожнага беларуса,  расказвалі пра знакамітых “песняроў беларускага слова”: Янку Купалу і Якуба Коласа, чыталі вершы на роднай мове.

З захапленнем дэманстравалі сваё володанне беларускай мовай у гульні “Перакладчыкі”. Каб паспяхова справіцца з заданнем “Ехалі з горкі скарагаворкі”, рабятам трэба было праявіць свае маўленчыя якасці. 

Народныя казкі і загадкі, прыказкі і прымаўкі стварылі ў класе беларускую атмасферу, спрыялі добраму настрою вучняў, рашчынілі дзверы ў свет беларускага слова!

Зварот да бацькоўскай спадчыны выхоўвае павагу, гонар за зямлю, на якой жывеш. Таму дзецям неабходна ведаць і вывучаць культуру сваіх продкаў. Вельмі хочацца, каб кожны вучань з гонарам паўтараў словы Віктара Шведа:

Я нарадзіўся беларусам,

Беларусам буду жыць!

Мову родную вучуся

Шанаваць, цаніць, любіць!

                                                   Настаўнікі 4-х класаў