Роднае слова – гэта першая крыніца, праз якую

                                                   Мы пазнаём жыцце і акаляючы нас свет.

                                                                                                              Якуб Колас

Беларуская мова, якую пранёс наш народ праз вякі, з’яўляецца найвялікшым нацыянальным скарбам. Родная мова — душа народа. Пакуль жыве мова, жыве і народ.

23 лютага у вучняў трэціх класаў была наладжана гасцёўня “Ты жыві і квітней, мая родная мова!”

«Мы – беларусы, і мову гэтую да скону дзён нам берагчы.

 У ёй знаходзім светач ведаў, праменняў мудрасці ключы!» – гэтымі словамі  прывіталі вучняў настаўнікі.

У час мерапрыемства дзеці чыталі вершы аб роднай мове, пазнаёміліся з выказваннямі знакамітых людзей, вялі размову аб значнасці беларускай мовы ў сучасным жыцці.

Потым удзельнікі мерапрыемства былі падзелены на каманды. Ім былі прапанаваны разнастайныя заданні на веданне мовы.

Так, у час конкурсу “Канструяванне слоў” трэба было прыдумаць як мага больш слоў, у склад якіх павінны ўваходзіць толькі тыя літары, якія ёсць у заходным слове.

Падабалася будаваць словы-змейкі з назоўнікаў.

З захапленнем гулялі ў “Перакладчыкаў”, дзе трэба было прадэманстраваць свае веданне руска-беларускіх слоў ды яшчэ і хуткасць.

Пазнавальна працаваць з прыказкамі, у якіх заключаецца мудрасць народа. Таму не абышлося і без іх. Трэцякласнікі аднаўлялі прыказкі і тлумачылі іх значэнне.

Вучні выканалі і шмат і іншых выпрабаванняў, у якіх прымалі самы актыўны ўдзел, праявілі кемлівасць, паказалі свой слоўнікавы запас, а многія пашырылі яго.

                                                                Настаўнікі 3-х класаў